حسن الظن وسلامة الصدر .احسنوا الظن بالناس

أعلم أنك لو سببتنى ما أردت إلا الخير 
طهّر الله قلوبنا، وأعاننا على العفو والتماس الأعذار.
 فقه الاختلاف: التمس لأخيك عذرا...

فقه الاختلاف: التمس لأخيك عذرا...

أعلم أنك لو سببتنى ما أردت إلا الخير. طهّر الله قلوبنا، وأعاننا على العفو والتماس الأعذار.

التماس العذر للآخر من أهم المفاهيم الغائبة عن كثير منا فى تعاملاتنا المختلفة، وهذا منهج إسلامى دعانا الله تعالى له وحثنا عليه رسوله الكريم وطبقه الصحابة والتابعون والعلماء عبر العصور، عندها لن تحمل الصدور كرها ولا حقدا ولا غلا ولن يسىء أحد الظن بغيره، امتثالاً لقوله صلى الله عليه وسلم: «إياكم والظن فإن الظن أكذب الحديث، ولا تحسسوا ولا تجسسوا ولا تنافسوا ولا تحاسدوا ولا تباغضوا».

عن سيدنا عمر رضى الله عنه أنه قال: لا تُظنن بِكلمة خَرَجَت مِن أخيك سُوءا تَجِد لها فى الخير مَحْمَلاً، وَضَع أمْر أخيك على أحسنه حتى يأتيك منه ما يَغلبك. وعن محمد بن سيرين أنه قال: إذا بلغك عن أخيك شىء فالْتَمِس له عذرا، فإن لم تجد له عذرا، فَقُل: له عذر، وعن جعفر بن محمد الصادق أنه قال: إذا بلغك عن أخيك الشىء تُنْكِره فالْتَمِس له عُذْرا واحِدًا إلى سبعين عُذْرًا، فإن أصبته وإلاَّ قُل لَعل له عذرا لا أعرفه.

ويوما مرض الإمام الشافعى رضى الله عنه فعاده بعض إخوانه، فقال للشافعى: قوى الله ضعفك، قال الشافعى: لو قوّى ضعفى لقتلنى، فقال الرجل مستدركا: والله ما أردت إلا الخير. فقال الشافعى ملتمسا له العذر بأخلاق العلماء: أعلم أنك لو سببتنى ما أردت إلا الخير. طهّر الله قلوبنا، وأعاننا على العفو والتماس الأعذار.

...........................
💕💕 أحسنوا الظن

💕💕 النهاردة وأنا راجع من رمسيس ركب معانا ولد وبنت ،

وأخدوا الكرسي الأخير والولد قال إنه مش عايز حد جنبهم وإنه هيحاسب عليه

 بعد العربية ما حملت وخلاص طلعت من الموقف واتحركت !!

 الولد حط إيده على كتف البنت وشدها عليه وراح حاطط راسها على كتفه

السواق شكله كان مركز معاهم من الأول فقاله لو سمحت ياأستاذ شيل إيدك من على كتفها وخليها تتعدل !!

 الولد قاله معلش هي تعبانة ولسه راجعين من عند الدكتور ودايخة ومش هتعرف تقعد عدل .

 السواق ساعتها قاله بقولك ايه ياكابتن كلكوا بتقولوا كده ياتتعدلوا يا تتفضل تنزل

 واضح صراحة إن الولد كان مؤدب وبيتكلم بأسلوب كويس .. والبعض من الناس في الميكروباص بدأ كل واحد يطلع بكلمه !!

 قالهم ياجماعة دي أختي والله العظيم ولسه راجعين من عند الدكتور

وهي فعلا تعبانه ودايخة لا أكتر ولا أقل

لكن محدش كان مصدقه !!

" لحد ما طلع ليهم البطاقه بتاعته وبتاعتها .. وواحد شافهم فعلا طلعو أخوات !!

والناس اللي في العربيه اللي كانو ظايطين ف الظيطه اتكتموا

والسواق اعتذرله قاله أنا اسف ياأستاذ بس أنت شايف الدنيا وأنت شباب وفاهم

الولد صراحة كان مؤدب جدآ قبل اعتذار السواق وخلاص سكت !!

💕💕 فكرني بموقف كان بيحكيه الشيخ الشعراوي حصل معاه .. في آخر عمره كانوا مستضيفينه في برنامج تليفزيوني .. سمعت المذيع بيقوله إيه الموقف اللي أثر في الشعراوي ومايقدرش ينساه ؟

- قاله وأنا صغير كنت بحب عمتي وعيالها ..

وفي يوم في نهار رمضان شوفت بنت عمتي الكبيره واقفه بتشرب ميه ..

- إستحقرتها و تجاهلتها لا بقيت أقولها ازيك ولا بقي بيني وبينها أي كلام !!

- كأنها مش موجوده ..

لكن أُمي لاحظت اني مابكلمهاش .. قالتي يا واد أنت مابتكلمش بنت عمتك ليه ؟

- قولتها علشان عملت كذا وكذا .. لقيت أمي بتضحك .. قولتلها بتضحكي علي إيه ؟

قالتلي يابني أنت درست لحد فين في الفقه ؟ قالها لحد كذا وكذا ..

قالتله يابني البنت لما بتكبر بيجليها ظروف تمنعها عن الصوم وعن الصلاه بأمر من ربنا وبنت عمتك كبرت مابقتش صغيره !!

- الشيخ الشعراوي بيقول زعلت من نفسي ومن يومها عمري ما أخدت الأمور بظواهرها وبقيت دايمآ أقدم الأعذار للناس وأحسن الظن بيهم قبل أي حاجه .

💕💕 الإمام الشافعي مره راح لشيخه وقاله إنه مابقاش قادر يقوم الليل . بقي يكسل عن الصلاة بالليل

 ف شيخه قاله " أنت رجل قد قيدتك ذنوبك " ياخبر مش باين

الإمام الشافعي ربنا بيعاقبه بعدم قيام الليل عشان ذنوبه

 بيقول قعدت أسبوع أفتكر ايه الذنب العظيم أوي اللي أنا عملته أتعاقب بسببه العقاب دا

 لحد ما افتكر انه شاف شاب في المسجد بيصلي ومتأثر أوي وعمال يعيط

بيقول فقولت بينى وبين نفسي كده انه بيعمل كدا رياء ما كان يعمل دا في بيته .

بيقول إنه اتحرم من قيام الليل عشان أساء الظن بحد كان بيصلي

وقال عليه انه مش بيعيط من قلبه وان دا مش خشوع

 متخيل ان سوء الظن دا ذنب عظيم جدآ ممكن يحرمك من صلاة او صيام او بر والدين او حتي صلة رحم

دا غير انه بيفسد العلاقات وبياكل الود والمحبه

 المحبه .. إني اعذرك .. أقول أكيد حجته معاه

 إحتمال أتأخر في الرد علي الشات بتاعك لأني ماشفتهوش أو مش قادر أتواصل مع حد دلوقتي .وماقصدش يطنشني ..

 لو حد عدي عليك من غير ما يرمي عليك السلام اعذره يمكن ماشافكش ولو حد عينه جت في عينك وماكلمكش قول أكيد في مسألة شاغله دماغه وواخده عقلي أكيد سرحان ومايقصدش ..

 ممكن حد مايردش علي موبايلك لأنه عامل تليفونه صامت .. ماشافهوش أو ماأخدش باله منه .

 لو ماعزمكش على خطوبته أو فرحه أو أي مناسبه خاصه بيه قول أكيد راحة عن باله واحنا عارفين دوشة الفرحه وكدا .. وغالبآ هتكون دي الحقيقه

 ممكن تكون إتخطبت لأنها مضغوط عليها مش لأنها باعتك واشترت الأحسن منك في نظرها ولا شرط يكون غني ومريش

 أنت عارف كام واحد اتكره بسبب فكره وحشه مجرد فكره بدون دليل بين

عارف كام مليون واحد وواحده عايشين ضحية سوء الظن .. محدش بيعذرهم ويقول أكيد ليهم أسبابهم الخاصه

إن بعض الظن إثم .. ماتسيبش نفسك لشيطانك وسوء ظنك

دا عملت كذا عشان تغيظني . دا عمل كذا علشان مابيحبنيش

دا ماشيه مع فلان . دا بيكلم فلانه .

 كل موقف لو سمعته من صاحبه هتلاقيه ليه قصه غير اللي في دماغك . ولو سمعته من أكتر من حد هتلاقي ليه أكتر من قصه مش قصه واحده لأن كل واحد له قصته ! لو مسكت موبيلك وجيت تصور حد صوره لازم تستني شويه عشان الصوره متبقاش منغمشه .. حتي لو بتصور نفسك مبتعرفش تظبطها من أول مره يبقى إزاي تاخد صوره لحد من أول لقطه من غير ما تستني أما الشكل يوضح قدامك وتتأكد إنها مش مهزوزه وإن دي جودتها الاصليه ؟

 ماتبنيش أفكارك على مواقف أخرين مش معني إنك شوفت أو سمعت يبقى كل حد هيتحط ف نفسك الموقف هيعمل كده صوابع إيدك مش شكل بعضها .. حسن الظن عباده عليها حسنات . مش فضل منك سوء الظن ذنب عظيم . وربنا نهي عنه ف القرآن

أحسن الظن بيا لو قصرت أحسن الظن بيا لو شفتني في موقف مش حلو

💕 أحد الصالحين قال إنه لو شاف ذقن اخيه بتنقط خمره هقول أكيد هي اللي وقعت عليها .. سيدنا جعفر بن محمد قال :
إلتمس لأخيك العذر إن كان له العذر .. طيب لو ماكانش له عذر يا جعفر ؟ قال : فإلتمس له 70 عذر ! زي ما بيقولوا كدا الغايب حجته معاه . استني اسمع واتأكد قبل ما تصدر حكمك على حد .

💕💕 أحسنوا الظن