.. أين ذهبت أموال الشعب ..
"قناة السويس" تفاجئ المصريين
بطلب "قرض جديد"لسد ديون حفر "التفريعة الأولى
ده حتى ربنا عرفوه بالعقل
و بعدين حنطمن ازاي اذا مفهمناش ارجوووكم فكروووووا
.."القناة الجديدة"(فنكوش جديد)..
"قناة السويس" تفاجئ المصريين
بطلب "قرض جديد"لسد ديون حفر "التفريعة الأولى
ده حتى ربنا عرفوه بالعقل
و بعدين حنطمن ازاي اذا مفهمناش ارجوووكم فكروووووا
.."القناة الجديدة"(فنكوش جديد)..
بما إني مصرية من حقي أفهم و أعرف تفاصيل المشروع .. أرجوكم بجد مش عايزة تعليقات من نوع سوداوية و كلام فاضي .. من حقي أفهم ..قناة السويس دي مش تهريج ده فعلا أمننا القومي و إن مراعيناش ربنا في تفاصيل مشروع ضخم زي ده يبقى احنا بنهجص و بنهرتل و بنطنطن بس . انا مش ضد المشروع أنا مع أي مشروع قومي كبير مهم حيخدم مصر و يحسن حالها إقتصاديا بس ده لا يعني اني مفهمش يا بشر و لا أسال نفسي أسئلة مش البركة في مين ما يكون و نسيب الباقي على ربنا ده حتى ربنا عرفوه بالعقل و بعدين حنطمن ازاي اذا مفهمناش ارجوووكم فكروووووا
1- وفقاً لتصريحات السيسي، المشروع السابق اللي تم رفضه تحدث عن قناة موازية بالكامل، وتم رفضها لأنها كانت تتطلب مساحة عرضية من 7 إلى 10 كم بين القناتين، ولكن لدواعي الأمن القومي تم استبعاده واكتفينا بعمل 35 كم فقط ؟ مش فاهمة يعني ايه بجد 35 كم؟
2- هل ستكون مساحة الـ 35 كم عرضية برضه بين القناتين و لا لأ و لا إيه؟ و ياريت ده يتشرح بتفاصيل على إنفوجرافيك و خريطة عشان نقدر نتصور الشرح المظبوط ؟
3- ماذا يعني الاكتفاء بـ 35( كم بدلاً من 7-10 كم) أمنياً للبلد؟
4- لو الـ 35 كم بين القناتين، إيه اللي حيبقى في النص؟ بينهم المشاريع الاستثمارية و لا مساحة خالية و لا إيه؟ ياريت برضه التوضيح يكون على إنفوجرافيك أو خريطة عشان نفهم؟
5- في تصريحات السيسي ، إتكلم عن إنه تم مراعاة دواعي الأمن القومي في المشروع ، لا اختلف حول النقطة دي يا سيسي لكن منين أنا مراعي الأمن القومي و مش سامح لغير المصريين الاكتتاب العام فيه و منين في مستند شفته بيقول على الضفتين حيبقي فيه استثمارات عربية و أجنبية؟ فمنين حيكون التمويل مصري 100% و الاستثمار أجنبي؟
6- بما أننا بنتكلم عن الاستثمارات العربية و الأجنبية؟ فايه الصيغة القانونية لعملهم في المشروع ؟
7- حتسمحوا للشركات باصدار تراخيص لافتتاح فروع ؟ و لا تراخيص شراكة مع شريك مصري بنسبة 51% زي ما مصر بتعمل حسب ما بعرف و دول الخليج؟ و لا حيتحول المشروع إلى منطقة حرة و بالتالي كل المناطق الحرة في دول الخليج و غيرها نموذجاً بتسمح بالتملك الكامل للشركة المستثمرة؟ طيب مش ده يتعارض مع الأمن القومي المصري و لا ايه؟
8- و من منطلق الأمن القومي و خوفا على القناة ، و بما انه احنا مش عارفين الصيغة الفانونية اللي حيسمح لها بحصول الشركات على تراخيص، إيه الوضع بالنسبة للشركات اﻹسرائيلية اللي دخلت وعملت كونسورتيوم أو إئتلاف مع الشركات المصرية ، وطلعت تراخيص انها شركات مصرية وأعضاء مجالس اﻹدارة كلهم أو أغلبهم بيحملوا جنسيات مختلفة من أمريكا واسبانيا وبريطانيا بس الباسبور اﻹسرائيلي في الجيب التانى؟
9- بعدين سمعنا طراطيش كلام إنه في إشارات لمرجعية إتفاق الكويز مع إسرائيل ؟ مدى صحة الكلام ده لازم نفهم النقطة دي بوضوح؟
10- كمان حسب ما فهمت من القانونيين المختصين انه العقد الظاهر اللي نشرته المصري اليوم وخطاب الضمان بيحصل في أى مشروع صغير ولو حتى توريد وتركيب مكيفات ..المفروض فى مشاريع البناء يتعمل (إسكرو أكاونت) escrow account ويتم إيداع المبلغ نقداً في خزينة البنك المركزي أو أى بنك محلي ويصرف المقاول دفعات وقتية بحسب تنفيذ المشروع وبعدين يسترجع كامل المبلغ مضافاً إليه الفوائد القانونية بعد فترة التشغيل التجريبي ؟
11- كمان حسب ما فهمت من المتخصصين القانونيين و نقلا عن مستشارين مجلس الدولة اللي تم انتدابهم للعمل في الجهات المعنية، انه في إشارات غير مطمئنة تختص بوثيقة التعديلات أو ( اﻵديندم) addendum بتلغي العقد المعلن؟ طيب فين النسخة دي و فين أمر التكليف و فين العقد المعلن الموقع، طالما أنا مصري حشترك في الاكتتاب العام بمزاجي يبقى من حقي أعرف كل التفاصيل دي و اطلع عليها عشان أطمن انه المشروع حينفذ جدياً و لانه الشفافية و الوضوح هي القوانين العالمية التي تحكم الاكتتابات العامة؟
12- ما إني بتكلم عن اكتتاب عام ، من حقي كمصري برضه أعرف ليه المصري في الداخل يدفع 100 جنية و المصري بالخارج حيدفع 100 دولار رغم اني بجد معنديش أي مشكلة اني كمصرية في الخارج أدفع بالدولار و لكن حابة أعرف بجد ايه الفايدة اللي حتيجي عالمشروع بكده و هل يعني ده انه حيبقى كده الاعتماد الأكبر على المصريين في الخارج ؟
13- هل سيسمح للشركات المصرية مش بس الأفراد بالاكتتاب و هل بالتالي حيسمح لهم شراء نسب معينة علشان ميبقاش في شركة تستحوذ على الحصة الأكبر من رأس المال؟
14- إذا سمح للشركات المصرية بالاكتتاب العام، هل حتدفع بالدولار أو بالجنيه المصري؟ و برضه السهم حيكون 100 جنية إلى 100 دولار؟ فيه حد أدني للاكتتاب بالنسبة للشركات مثلا؟
15- إيه هي مدة الاكتتاب العام ؟ في البورصة المصرية؟ و هل ستسجل في البورصة المصرية تحت اسم أنهي شركة لإنه بس مشروع؟ فين الشركة الرسمية المؤسسة اللي حيتم تنفيذ المشروع عبرها ؟ هي موجودة و لا حتؤسس ؟ في الاكتتاب العام فيه صيغة قانونية للشركة المؤسسة ايه هي؟
16- الجيش حيشرف على المشروع تمام ؟ بس هل الجيش له حصة في المشروع بمعني حيشتري أسهم في المشروع تحت الشركة المؤسسة للمشروع ؟ كام حصته ؟ هو مالكها إسمها إيه؟
17- بما انه اكتتاب عام يعني شفافية بقى؟ لازم يبقى معروف وواضح مين أعضاء مجلس الإدارة ؟ مين الأعضاء المؤسسين؟ كل واحد حصته كام و دوره إيه بالظبط في المجلس ؟ مرتباتهم كام؟
18- لازم نعرف إذا الجيش حيشرف على التمويل و بما إنه التفكير في اكتتاب عام يعني تجاري ؟ يبقى الجيش أكيد له أجرة إيد على الإشراف يعني حيقبض كام .. المعلومات دي طبيعية في أي شركة مسجلة ببورصة و تطالب بها قوانين الإفصاح و الشفافية في الدنيا كلها مش من دماغي ؟
19- مين الـ 17 شركة اللي حتنفذ المشروع .. من حقنا نعرف هي مين بالأسماء و عليها شبهة فساد أم لا و حيتم مراقبتها بأنهي آليات لضمان إنها حتنفذ المشروع بضمير و أمانة دون سرقة؟
20- إيه حكاية الإشاعات اللي سامعينها بخصوص دخول شركة أرابتك القابضة الإماراتية في التنفيذ رغم انه السيسي امبارح قال اللي حينفذ 17 شركة وطنية؟
21- إيه حكاية إدارة المشروع اللي حتمنح لشركة جبل علي البحر الأحمرللموانئ دي برضه اللي سمعناها و لا دي إشاعات لازم نعرف بوضوح؟
22- إذا كنا بنتكلم عن أمن قومي، فازاي شركة غير مصرية حتدير؟ منين و فين ما تكون لا تعنيني الدولة . الولايات المتحدة الأمريكية نفسها لما طرحت مناقصة لإدارة موانيها رفض الكونجرس الأمريكي منح دبي العالمية عقد إدارة الموانئ من منطلق الأمن القومي برضه و ساعتها انسحبت دبي العالمية من المناقصة ؟
23- نيجي لنوعية الصناعات اللي حتتعمل في المشروع ؟ هي إيه و إيه فايدتها لمصر ؟ انا قريت بعض الصناعات بس مش متأكده إنها هي فعلا؟
24- المشاريع الصناعية بالذات محتاجة لعوامل بيئية خاصة جدا و بالذات لما بتكون صناعات ثقيلة .. فهل سيراعى ده و مين اللي حيعمل على تطبيقه خاصة يعني اننا عارفين انه احنا بلد لا تعترف بالبيئة على الإطلاق و أهميتها و دي نقطة جذب عالية جدا للمستثمرين إلى جانب طبعا توفير الكهرباء بالطاقة الشمسية؟
25- السيسي قال استصلاح 4 مليون فدان حيبدأ في المرحلة الأولى بمليون فدان ؟ حيتزرع إيه فيهم ؟ قمح مثلا عشان نحل مشكلة القمح و الاعتماد على غيرنا و نقدر نستقل بقراراتنا؟ مين الشركات اللي حتشتغل فيها و منين حيتجاب المزارعين ؟ من الريف المصري مثلا و لا إيه و مش ممكن ده يؤثر على المناطق الزراعية الأخرى في مصر؟
26- أنا حقيقي مش فاهمة نقطة الأنفاق و المترو اللي حيتحفروا ؟ دول حيتعملوا ليه و إيه الهدف منهم؟ ياريت برضه اشوفه بوضوح على انفوجرافيك و خريطة مفصلة؟ فين شبكة المواصلات ما بين المنطقة و المحافظات الرئيسية القاهرة و الإسكندرية إلخ إلخ؟
27- بالمناسبة عشان البيروقراطية العقيمة بتاعة بلدنا ، هل حيتعمل نظام إدراي جديد يسهل على الشركات اللي حتعمل مشاريع استثمارية في المشروع تسجيل وإصدار تراخيص شركاتها .. بأسلوب (وان ستوب شوب) one-stop shop اللي العالم ماشي بيه و حسب ما فهمت زمان إنه هيئة الاستثمار المصرية كانت دايما بتتكلم عنه بس معرفش هي طبقته و لا لا ؟
28- كام رسوم تسجيل و إصدار التراخيص للمشاريع الاستثمارية؟ حتتدفع بالدولار و لا بالجنية المصري؟
29- بما إننا برضه بنتكلم عن اكتتاب عام؟ لازم أعرف فيه أرباح حتعلن من فترة لفترة فحيجيني عائد كفرد أو شركة بشفافية ؟ هل حيتم تعيين مدققين حسابات أقدر أشوف تقاريرهم مع إعلان التفارير الربع سنوية زي كل الشركات المسجلة في البورصات؟
30- هل أقدر أبيع أسهمي ؟ و لا مقدرش قبل سنة زي ما بتعمل بعض الشركات؟ لمصريين فقط ؟ طيب لو بعته لمصري بالخارج حيبقى بيع بالدولار و لا بالمصري يعني سأجبر على بيعه للمصري بالخارج بالدولار و المصري بالداخل بالمصري مش متروكة المسألة ليا؟
31- المشاريع الاستثمارية اللي حتتعمل حيطلب منها إن كانت أجنبية تدرب كوادر مصرية على تخصصات حديثة معينة؟ و لا إيه؟
32- ازاي يا سيسي مشروع ضخم زي ده حيتنفذ ف سنة و هو أصلا تلات سنين قليل عليه ؟!!!!!!!
33- مشروع السليكون اللي سمعنا إنه جزء من المشاريع الاستثمارية المستهدفة ؟ حيستقطب مين ؟ مين زبونه يعني ؟ شركات التكنولوجيا الأجنبية المتواجدة في مصر و العاملة في القرية الذكية؟
34- طيب لو فعلا دول ما هو إحنا كده مش بنافس و بنؤذي مشروع القرية الذكية اللي أصلا قايم بعكاز؟..
مسار قناة السويس الجديدة المقترحة. مقارنة بين المسار الملاحى لقناة طابا العريش المقترحة وقناة السويس الجديدة المقترحة
وسط ترقب المصريين تحقيق آمالهم في ارتفاع عوائده, فاجأت هيئة قناة السويس الجميع بإعلانها المضي نحو اقتراض 400مليون دولار، من أربع بنوك، لسداد مديونيات توسعة فنكوش التفريعة الجديدة ليرفع مديوناتها إلى 1.4 مليار دولار.
ما يثير الجدل حول الأموال التي تم جمعها والمقدرة بنحو 64 مليار جنيه من أجل شق ما أسموه القناة الجديدة, لاسيما وأن القناة "الأم" تواصل تراجع إيراداتها على مدار ثلاثة أشهر هي عمر القناة الجديدة.
ووسط تعتيم كبير من قبل المسئولين بالهيئة والدولة حول القيمة الحقيقية لتكلفة شق التفريعة الجديدة ومصادر صرف الأموال التي جمعت من أجلها عزا خبراء اقتصاديون سعي هيئة قناة السويس للحصول على قرض بقيمة 400 مليون دولار إلى رغبتها في سد فجوة تمويلية قصيرة الأجل.
وكشفت صحيفة "الشروق"، أن تحالفًا مصرفيًا يضم بنوك "مصر" و"العربي الأفريقي" و"التجاري الدولي" و"الأهلي"، يدرس ترتيب قرض بقيمة 400 مليون دولار لصالح الهيئة العامة لقناة السويس.
ويرفع هذا القرض مديونية أكبر جهة جالبة للنقد الأجنبي في مصر، إلى 1.4مليار دولار، كقروض مباشرة من البنوك في الفترة التالية لتوسيع القناة.
وأضافت الصحيفة أن القرض يضم شريحة بقيمة 300 مليون دولار يتم صرفها بشكل عاجل كقرض معبري، لتمويل مستحقات شركات المقاولات المشاركة في حفر قناة السويس الجديدة، والمبلغ المتبقي من القرض 100 مليون دولار للمساهمة في تمويل مشروع قناة شرق تفريعة بورسعيد الجديدة، التي بدأ العمل بها خلال أغسطس بطول 9.5 كم، ويستهدف رفع 17 مليون متر مكعب من رمال مشبعة بالمياه، وسيتم الانتهاء منها خلال 7 أشهر.
وتستخدم الهيئة مبلغ التمويل في المكون الأجنبي للمشروع، وسداد التزاماتها تجاه الشركات الأجنبية العاملة في مشروع توسيع القناة أو ما عرف بـ "القناة الجديدة" (فنكوش جديد).
قد يُمهل اللهُ العبادَ لحكمةٍ تخفى ويغفل عن حقيقتها الورى
قل للذي خدعته قدرةُ ظالمٍ لاتنسَ أن اللهَ يبقى الأقدرا
ليست هناك تعليقات:
إرسال تعليق