الأربعاء، 6 مارس 2013

منى الشاذلى: الرئيس يستخدم مع شعبه أساليب ماكرة ومخادعة - فيديو


(( هذا هو المشهد في مصر بإختصار ))
 الرئيس بيضحك علينا ولا بيستغفلنا 
 منى الشاذلي ترتدي السواد وتتهم "معاوية" و"عمرو" بالخديعة!
 

كشفت الإعلامية مني الشاذلي مقدمة برنامج "جملة مفيدة" علي قناة "إم بي سي مصر" كذب الرئيس محمد مرسي بشأن تصريحاته التي أدلي بها في حواره مع الإعلامي عمرو الليثي عن إشراف الأمم المتحدة علي الانتخابات البرلمانية القادمة.
وأوضحت "الشاذلي" - في برنامجها مساء أمس الثلاثاء - أنهم تواصلوا مع المركز الرئيسي للأمم المتحدة في نيويورك للاستعلام حول إشرافهم علي الانتخابات المصرية, وكان جواب الإدارة السياسية هناك أنها لن تشرف علي الانتخابات, وأن مصر لم تتقدم بطلب من الأساس. 
وأشارت إلى أن الأمم المتحدة أكدت لهم أنها لا تتطوع للإشراف علي أي انتخابات, وأشاروا إلي أن المرة الأخيرة التي تطوعوا فيها للإشراف علي انتخابات كان عام 1994 في جنوب أفريقيا. 
 وأضافت مني الشاذلي: "رجعنا للمكتب الإقليمي للأمم المتحدة عشان يمكن يكون المكتب الرئيسي بيضحك علينا أو بيستغفلنا, فأكدوا أنهم لن يراقبوا الانتخابات وأن مصر لم تتقدم لها بطلب بهذا الشأن".

منى الشاذلي ترتدي السواد
 وتتهم "معاوية" و"عمرو" بالخديعة!
شبهت إعلامية مصرية الرئيس محمد مرسي بأنه يستخدم مع شعبه أساليب ماكرة ومخادعة كعمرو بن العاص ومعاوية بن أبي سفيان على حد زعمها. ووصفت حال البلد بأنه دماء وحرائق وقتل، وانقسام ما يعيش فيه المصريون بفعل سياسات مرسي ما هو إلا خدعة كبيرة، وأن الرئيس يستخدم نفس الطريقة الماكرة والمخادعة التي استخدمها عمرو بن العاص ومعاوية بن أبي سفيان على حد زعمها، متطاولة بذلك على أصحاب النبي محمد صلى الله عليه وسلم.


(( هذا هو المشهد في مصر باختصار ))
 الغساله مش شغالـه
مراتى اتصلت بمركز الصيانه. بعتولنا مهندس يصلح الغساله. دخل وفتح الغساله وقال: الغساله محتاجه شغل كثير على الأقل ٤ ساعات. ... فقلت له : ماشى اشتغل. فطلب كباية شاى. فقلت لمراتى: اعملى كباية شاى وهاتى كمان بسكويت. وفْضلت واقف مع المهندس وهو بيصلح الغساله. وكان التليفزيون صوته عالى ، وكانت قناة سى بى سى شغاله شتيمه فى مرسى والأخوان.
فقال المهندس بعصبيه : عمل لنا ايه مرسي؟؟ ده بلوة ربنا، ابتلانا بيها، والبلد كل يوم في النازل و.... و...... و..... فسكتُّ ومرضيتش أعلق. وطلبت من المهندس يكمل شغل.
 ومراتى جابت الشاى. فبعد دقيقه خبطت برجلى على الغساله خبطتين.
 فسألنى المهندس : خير يا أستاذ ؟ فرديت : لأ مفيش حاجة ، اشتغل يلا خلص.
بعد دقائق، خبطت برجلى على الغساله ٣ مرات ورا بعض. فرد المهندس منزعجا : خير يا أستاذ ؟
فرديت : لأ مفيش حاجة، اشتغل يلا خلص. ركز فى شغلك ! بعد دقائق خبطت برجلى على الغساله ٥ مرات ورا بعض، خبط جامد جداً. فغضب المهندس وقالى: مش معقول كدة!! مش عارف أشتغل من الخبط. وحضرتك مش عاوز تقلى فى ايه؟؟.
 فرديت قلت له : اشتغلْ وركز فى شغلك. فرمى المفك اللى كان فى ايده فى الشنطة بتاعته، وقالي : اشتغل ازاى؟؟ محتاج تركيز !!
وانت عملت لي دوشه، وانا مش فاهم فى ايه؟ ومش عاوز ترد علي. وبدأ يشتم. ضحكت ضحكة عالية قوى ، وقالت له : ياراجل يا طيب .. بقى إنت في ١٠ دقائق صرخت من كام خبطة، وكنت طلبت ٤ ساعات شغل!! .... أمال مرسى اللي بيترمي عليه مولوتوف وطوب ، وشتيمه ليل ونهار في كل القنوات ، وتكفير واتهامات باطله واشاعات وكذب ، هيشتغل ازاي ؟؟
والقضاء ضده، والشرطة ضده، والجيش بيشاور عقله، ممكن يعمل اى حاجة؟؟؟!!!!!
ينفع كل دقيقتين اقولك: انك مهندس فاشل؟ ومش عارف تصلح الغساله!! ولازم اجيب مهندس تانى ! ! حينفع تشتغل فى الجو ده ؟؟ مش نستنى على الرئيس ال ٤ سنوات، ونساعده ونروق له الجو ، ونشوف عرف يبقى رئيس زى ما هو مفروض ولا ما عرفش !! ساعتها نجيب رئيس غيره !! صح ولا ايه ؟ مش انت طلبت ٤ ساعات شغل؟ وعملتلك شاى ,, ينفع بعد ٥ دقائق اقولك: الغساله مشتغلتش ليه !! ومن غير شاى كمان ؟.؟ ينفع !! ينفع !! ضحك المهندس وقالى : غلبتنى وانت عندك حق، وانا بجد حمااار انى قلت كده على مرسى !! وحصلحلك الغساله على حسابى يعنى ببلاش علشان انت راجل زى العسل !! (( هذا هو المشهد في مصر باختصار ))








ليست هناك تعليقات: