مهند سمير/ جندي مجهول من جنود الثورة تمت تصفيته.صورة للمتهم فيديو

رامي الشرقـــــــــاوي 
من شاهد على قتل المتطاهربن الى متهم في القضيه 
أول صورة للمتهم بإطلاق النار على الناشط مهند سمير

مهنــــد في لقائه مع ريم ماجد: 
هاكمل مشواري وهاجيب حق رامي الشرقاوي.. 
وفيه حاجات كتيير لازم تخلص 
 «مهند سمير»: جندي مجهول من جنود الثورة تمت تصفيته
أول صورة للمتهم بإطلاق النار على الناشط مهند سمير

وضع الكاتب الصحفي بلال فضل لقاء لـ مهند سمير وهند نافع في لقاء مع ريم ماجد خلال برنامج بلدنا بالمصري تم رفعه بعنوان إن كنتوا نسيتوا اللي جرى.. مهند سمير وهند نافع في بلدنا بالمصري.. وقال بلال فضل في تعليقه على الفيديو "اللي مستهونين بحادث إطلاق النار على مهند سمير وفاكرينه عشوائي يا ريت يشوفوا الفيديو ده ويعرفوه ليدركوا خطورة ما جرى" يذكر أن اللقاء جاء بعد خروج مهند سمير من السجن بعد 11 شهرا .. وروى مهند في الفيديو وقائع إصابته وما جرى له في أحداث مجلس الوزراء وشهادته على إطلاق النار على صديقه رامي الشرقاوي وتحديده للضابط الذي أطلق النار عليه وما تعرض له خلال الحبس . وأكد مهند انه بمجرد خروجه من السجن عاد للتحرير لأن الثورة لازم تكمل ولسه فيه حاجات كتيير لازم تخلص وأنه لف الميدان كله مؤكدا انه ما زال حزين على ما تعرض له أصحابه.. وأضاف" هأكمل مشواري وهاجيب حق رامي الشرقاوي " الناشط مصطفى ناجح يحكي عن «مهند سمير»: مهند جندي مجهول من جنود الثورة تمت تصفيته .

ده مهند سمير ودي حكايته واللي حصله انهارده | مبدئياً دي صورة مهند وهو بيقبل رأس والدته بعد إخلاء سبيله .. لإن مهند كان محبوس ومتهم في قضية احداث مجلس الوزراء ومهند اتحبس لإنه يومها شاف الضابط اللي قتل رامي الشرقاوي ولما طلبوه شاهد احتجزوه وحولوه متهم في القضيه ! وبعدها مهند قضى عشر شهور واخلوا سبيله بصعوبه ومعظم الناس في القضيه اخدوا اخلاء سبيل ما عدا هو ! لانه كان عارف شكل الضابط اللي قتل صاحبه رامي الشرقاوي.. اخيرالنهارده الاتنين الساعه ٦ الصبح تقريبا دخل الميدان عرببه مجهوله افتعلوا مشكله غريبه وبعدين ضريوا علي مهند.. ضربوه بالخرطوش في وشه من مسافه قريبه جدا استهدفوه في محاوله واضحه لتصفيته مهند دلوقتي في العنايه بيصارع ويقاوم .. ادعوله انشر وافضح وعرف الكل مهند جندي مجهول من جنود الثوره حرفيا دعواتكم جدير بالذكر أن "مهند سمير" أحد معتصمى ميدان التحرير، أطلق عليه طلق نارى خرطوش صباح اليوم الاثنين، حالته سيئة جدا، مشيرا إلى أنه توفى إكلنيكيا ودخل فى غيبوبة من الدرجة الثالثة، وهى أكثر درجات الغيبوبة خطورة. مين اللي قتلنا وبيقتلنا؟! لساه مجهول ليه؟! ولساه حر ليه؟! مين اللي بيحميه ومين اللي بيتستر عليه؟! ومين اللي ليه مصلحة في قتلنا او مين ولا مين؟! ومين اللي ليه مصلحة يحمي القاتل ويتستر عليه؟! ولحد امتى؟! ايكش تكونوا فاكرين اننا هنسكت او هنخاف او هنمشي جنب الحيط ونحط في الارض.. دة بعدكم.. وعشم ابليس في الجنة اقرب لكم من سكاتنا ومن خوفنا ومن كسرة نفسنا.. ويا ويلكم من اصحاب الحق: عينهم قوية وحيلهم مشدود وقلبهم على بعض والايد في الايد وكل محنة وكل حسرة وكل مصيبة بتقويهم وبتشد عزمهم.. وهييجي اليوم اللي هتترد فيه كل الحقوق.. يارب بس نعيش ونشوف اليوم دة..