مصـــر الـيـــوم: السيسي: مرتبات الناس لا تتناسب مع حياة كريمة..أجيبلكم منين؟..فيديو

السيسي: مرتبات الناس ودخلهم

لا يتناسب مع حياة كريمة للأسر والبيوت

... وربنــا العــالم بينــا ...

قال السيسي: "جهد الدولة الحالي أقصى ما يمكن عمله في ظل الظروف الحالية، ولكن أقصى ما يمكنه عمله غير كافٍ".

** مشكلة الزيادة السكانية وقلة الموارد **

وأضاف خلال مداخلة هاتفية ببرنامج "من مصر" الذي يقدمه الإعلامي عمرو خليل بقناة "سي بي سي": "مواردنا ودخلنا مش على قد حجمنا خالص فيما يتعلق بالتعداد السكاني".

** رواتب الناس وحياة كريمة **

ولفت: "مرتبات الناس ودخلهم لا يتناسب مع حياة كريمة للأسرة والبيوت، والدنيا أهى ماشية لكن إحنا بنبذل أقصى جهد، وربنا وحده اللى يعلم علشان نحاول نحسن من أوضاعنا ويبقى فيه شغل في البلد لكن عدد سكان طول ما هو بيزيد المشكلة هتفضل دايمًا صعبة، والحل ليها عايز توفيق كبير من ربنا، وأنا لما بتكلم مع الناس في الشارع مش بتعارض معاهم في النقطة دي ولكن بحاول أخفف من همومهم وبسمع وأخفف وخلاص".

وأشاد بالدور الفعَّال والهام الذى تقوم به المرأة المصرية في ظل الظروف والتحديات، مؤكدًا أن نساء مصر نموذج مشرِّف للعمل والمثابرة ورقي المجتمع.

** المثل الراقي للمرأة **

وأضاف الرئيس السيسي خلال مداخلة هاتفية ببرنامج "من مصر" الذي يقدمه عمرو خليل، المذاع على قناة "cbc": تظل المرأة المصرية بمثابة المثل الراقي والعالي.

** استجابة الرئيس

واستجاب لمطالب السيدة محروسة سالم إحدى الأمهات المثاليات والتي تعاني من شلل حركي، موجهًا لها رسالةً مؤثرةً قائلًا: "لي الشرف إني أكلمك وأتواصل معاكي، وبقولك ربنا يوفقك ويخليكي".

وقال الرئيس السيسي: "أهنيكي وأقولك يا بنتي ربنا يجبر بخاطرك ويعينك ويطرح البركة في جهدك وتشوفي ده في أولادك، وكل اللي إنتي بتتمنيه كبنت لينا نقف جنبك، وأقولك أن الست المصرية مثل عال وراق ونموذج محترم وأتشرف أني باكلمك وأتشرف بجهدك، وربنا يخللي لك نورهان وأحمد وتفرحي بابنك ظابط قد الدنيا ومهندسة قد الدنيا، واوعى تحرمينا من دعواتك الطيبة، وربنا يقبل منك، ويباركلك، وربنا يعوض عليكي، ورضاكي هو ده الأمل بالنسبة إني أكون سببًا في إسعاد الناس وده ليس على الله بكثير وربنا يعيننا، وإنتي تطلبي وإحنا ننفذ".

** تعليق السيدة محروسة **

من جانبها، علقت السيدة محروسة: "ربنا يخليك لينا يا سيادة الرئيس، ويجازيك ألف خير على اللي عملتوا مع ذوي الإعاقة، وكتبت شهادة ميلادنا بإيدك، وإني أكلم حضرتك دي حاجة تشرف، ولا أستطيع التعبير عن مدى فرحتي وسعادتي، وحاسة أني قلبي هيقف من كتر الفرحة.. ومحروس يا ريس".

. السيسي،القضية الحالية تكمن في عدم التوافق بين الموارد والدخل وعدد السكان، موضحا: "الموارد والدخل مش أد حجمنا وعددنا".. حتى مرتبات الناس ودخلهم لا يتناسب مع حياة كريمة لهم ولكن الدنيا ماشية".

واسترسل خلال مداخلته الهاتفية ببرنامج “من مصر” المذاع على قناة “ٍي بي سي”:"إحنا بنبذل اقصى جهد لتحسين الأوضاع المعيشية.. ولكن صدقني طول ما عدد السكان بيزيد بالشكل دا هتكون المشكلة وحلها صعب".

وأضاف:" إحنا بخير والأمور ماشية كويس.. وعندنا احتياطي مناسب يكفي لـ 3 أو 4 شهور على الأقل"، متابعا: مفيش عندنا نقص في إي سلع أساسية الحمدلله".

وأكمل:" لما جينا نعمل المشروعات القومية في ناس كتير قالت ليه بتعملها.. أهو دا الوقت اللي بنستفيد فيه من المشاريع القومية".

السيسي: المرتبات في مصر منخفضة

.. ولو عليا عاوز أدي كل مواطن 30 ألف جنيه ..

السيسي: "أجيبلكـــم مرتبـــات منين!"