ذكريات زمن جميل ولي
*أمى بتسلم عليكي وبتقولك عايزين بصلتين،وبتقولك دوقوا الملوخية بتاعتنا!
**أبويا بيقولك هيفوت دلوقتي على عم حلمي ليزورو عمي حسن لانه عيان!
**يابا عم شديد جارنا ضربني،اكيد انت عملت حاجة غلط فضربك انا قيله!! **ناوليني يابت الطرحة ألبسهاطالعه هنشر الغسيل!!
**اومال فين محمد تلاقيه نام عند صبحي جارنا علشان هم كانوا بيلعبوا مع بعض!! **مش هتاكل يا سعد لأ خالتي أم خله حطتلي آكل مع ابنها باسيلي وأنا بكتب الواجب أنا وهو!!
**روحي ياسميحة قولي لخالتك أم حامد جارتنا عايزين ننشر بقيه الغسيل عندها بلكونتنا مش مكفية!!
**لاترزع الباب ياابني واطلع بشويش عالسلم احنا بقينا عشيا والناس نايمين متقلقش حدياشيخ!!
** يلا ياموسي فوت على عيسي ابن الجيران وعدوا على محمد وانزلوا الجامع لتفرشوا الحصيروتكنسوا وتنضفوا الشارع مع عمك فهمي صلاة الجمعة وجب وقتها !!
**ياأما ياأما داوود جارنا خربش أخويا وعوروا في دراعه،معلش يابنتي هم بيتخانقوا وبيتصالحوا تاني روحي اندهي له لاحط له مكركروم!!
ياالله..يا الله...يا الله
هذه كانت حياتنا لما كنا عايشين بقلوب صافيه
@منذ متى ولم يخبط حدعلى باب حد وطلب بصله ولابيضين ولاطمطمايه أو أو رغيف عيش او حتى القيمه شاي!!
@منذمتى حد زار جاره المريض أوحتى من غير مرض وشرب معاه قهوته وقرب منه!!
@اكم من كوارث حصلت لما عيل اتخانق مع جاره وطارت فيها رقاب وأرواح!!
@ كام مرة سمعت وصيه الاهل لاولادهم بعدم ازعاجهم للناس ويحترموا وجوداللي عايشين معاهم!!
{{ البيوت نعم صحيح كانت قديمة والحياة ابسط لكن القلوب كانت حية والإنسان غالي وعزيز}}
{{ فقدناطعم الجيرة وفقدنا التواصل بالود والمعروف }} سبحان الله كانت القلوب نقيه،طاهرة عالفطرة..
عبارة (أبويا بيسلم عليكم) كانت جملة جميلة بتعبر عن جمال المحبة وصفاء القلوب
وجمال روح الجيران.
وهي دي سنة رسولنا الكريم اللي كان بيوصي زوجته ويقولها لما تطبخي زودي وأعطي جيرانناعليه الصلاة والسلام،واليوم لم تعد الحياة لها طعم بعد الاستغناء عن الجار والسجن بين أربع حيطان،تعالوا نحيي سنتة ...
تعالوا نرجع نحب جيراننا ونتعرف عليهم،تعالوا نعتبر ولاد جيراننا زي ولادنا ونصبر على بعض،تعالوا نفوت على بعض في الاعياد والمناسبات ولو نسلم من عالباب ونقول كل عام وانتم طيبين، تعالوا لو جارنا مريض نزوره ونطمن عليه وندعي له،تعالوا نحترم بعض ونراعي مشاعر بعضنا ونحب للجار مانحب لانفسنا
تعالوا نبطل أذى لبعضنا بالازعاج والصوت العالي وإلقاء القمامة ورزع الباب ولعب الاطفال في اوقات غير مناسبة،تعالوا نضحك في وش بعض مع مراعاة الاحترام والحشمة والعفة
. . يا ليتنا نرجع تاني يبقى لينا كبير نرجع ليه و يحكم بينا في المشاكل ،تعالوا نحيا من تاني مثل زمان!!ولا نقول هيهات...هيهات.. قول للزمان ارجع يا زمان...
د/عادل أبوصيرة.
عايزنا نرجع زى زمان قول للزمان ارجع يا زمان
... قول للزمان ارجع يا زمان ...
ليست هناك تعليقات:
إرسال تعليق