زجل باللهجة المصرية

(( زجل باللهجة المصرية ))
 عم يابتـــاع الحاجــات القديمـــه

 اللهجة المصرية سائدة في كل الوطن العربي تقريبا ويفهمها أغلب العرب أينما كانوا والفضل في ذلك للشعراء والكتاب وقصص الافلام العربية خاصة تلك الافلام الجميلة زمن الأبيض والأسود، وهناك سلسلة طويلة ممن يجيدون الشعر باللهجة المصرية الدارجة وهناك أبيات شعر ضمن التراث الأدبي المصري لا يعرف من قائلها ادخلت ضمن الموروث الشعبي المصري أو كما يقول الفلكلور المصري وكل تلك القصائد أو الحوارات الزجلية ذات دلالات النصائحية والحكم الرافعة للقيم والمبادئ عند الناس ومنها هذه الأبيات التي أجهل قائلها لكنها جميلة وذات معنى خاصة بهذه الأيام التي قل فيها الوفاء والإخلاص والأمانة وهي تقول..

عم يا بتاع الحاجات القديمة
شوفلنا حاجة ليها قيمة
شوف قلوب تكون سليمة
شوف ناس تكون رحيمه
تعبنا م الناس اللئيمة
اللي عايشة بألف وش
واللي كل حياتها غش
واللي ابوها جنيه وقرش
شوف ضحكة م القلب طالعه
شوف شمعة في الضلمة والعه
شوفلنا ضحكة حلوة
سمعنا حتى أي غنوة
تصحي في النفس الحنين
وتفرح القلب الحزين
يا عم يا بتاع الحاجات القديمة
شوفلنا عندك ناس بتوع زمان
ناس كانت طيبة
ناس كانت قريبة
ناس كانت فاهمة
يعنى اية عيشة كريمة
ناس كانت بسيطة
ناس كانت جنب بعضيها
يا عم يابتاع الحاجات القديمة
ينفع تاخد الناس الجديدة
وترجعلنا الناس القديمة
الناس إلى راحت وتركتنا في الدنيا
نشتكي من أفعال أهل هذا الزمان
المتلون بكل ألوان الخسة والقذارة ..