مستشار الرئيس "مرسي" للسيسى
انت مجرد دمل طلع في قفا مصر
نتيجــة تدخــل جراحــي بمشــــرط ملـــوث
انت مجرد دمل طلع في قفا مصر
نتيجــة تدخــل جراحــي بمشــــرط ملـــوث
*** شوف يا عبد الفتاح يا سيسي ..
مش هينفع أكلمك بلغة (رصينة) لأنك مش هتفهمها ..
(رصينة، يعني راقية، وراقية يعني لغة صالونات ومثقفين وكدا)
وبدل ما تميّل على عباس وتسأله، وعباس ينادي على أحماااااه ويسأله، وأحماااااه يتصل بفيلسوف الغبرة ابراهيم عيسى ويسأله، هاكتب لك بلغة تفهمها دوغري ..
والكلمة اللي هتفلت مني، وألاقيها صعبة عليك هشرحها بين قوسين ..
... شوف يا قزم ...
(قزم، يعني نجم) .. إوعى حد يضحك عليك ويقولك دي معناها (أوزعه) !!
إذا كنت فاهم، أو حد مفهمك إن منع الزيارة عن رئيسك اللي انت خُنته، وانقلبت عليه، وخطفته، ممكن يحبطه، أو يكسره، أو يوجعه، فاعلم أنك واهم ..
(واهم، جاية من الوهم، والوهم يعني تهيؤات، والتهيؤات هي إنك تتخيل أشياء مش حقيقية) ..
فهمت ؟!
الرئيس متفرقش معاه إذا كان في الاتحادية أو في زنزانة؛ لأن الدنيا سجن المؤمن، وجنة الكافر. طبعا انت متعرفش يعني إيه مؤمن، بس تعرف يعني كافر ..
اللي يفرق مع الرئيس، هو مع ربنا، وربنا معاه، وللا لأ .. إنما انت بتشجع أي حاجة تغضب ربنا وبتأيدها ..
الرئيس ـ يا سيسي ـ حر في زنزانته، وأنت مسجون بين حراسك اللي ميتعدوش ..
الرئيس ـ ياسيسي ـ عزيز في أسره، وإنت أسير في ذُلّك، واستجداءك من اللي يسوى واللي م يسواش ..
(استجداء، يعني مادد إيدك على طول، إدوني أي حاجة عشان ماسر، وبعدين تلهفها لحسابك) ..
الرئيس بينام ملء جفنيه، وإنت بتنام بمنوم، وتصحى بسرنجة !!
(ملء جفنيه، يعني نوم عمييييييق) ..
الرئيس هزمك، حتى في استفتاءات السوشيال ميديا !! تصور ؟! دا رغم نباح كلابك الذي لا يتوقف، وهرتلتك طول الوقت، بينما صوت الرئيس حبيس قفص زجاجي ..
(حبيس، يعني ممنوع من الخروج) ..
أظن دي سهلة ؟
الرئيس مطمئن لحكم ربنا وراضي، وانت بتموت كل لحظة من الرعب ..
الرئيس حي وانت زومبي ..
إذا كنت مستني حد يعبرك، ويطلب منك (السماح) بالزيارة تبقى واهم ..
(شرحت لك واهم دي قبل كدا) ..
إنت مجرد دمل طلع في قفا مصر نتيجة تدخل جراحي بمشرط ملوث (أيوا مصر مش ماسر) .
... إنت ولا حاجة ...
ليست هناك تعليقات:
إرسال تعليق