بعد خناقة الساحل..اعرف الفرق بين البكيني والبوركيني
... أسد يالــه فيــه ايــه؟!!...
بعيدا عن المشاكل التافهة والقضايا الهامشية اللي بتستهلكنا وتشغلنا كمصريين..وبنضيع فيها وقتنا .. زي سد النهضة والحرب في ليبيا وأزمة الوبا..وتداعياته على الاقتصاد وحياة الناس .. اجتمع المصريين بكل فئاتهم من بلطيم للساحل الشمالي على مناقشة القضية المصيرية.. واتدخل كتير من الحكماء في محاولة لم الشمل وتقريب وجهات النظر بين البكيني والبوركيني .. هو لحد اللحظة دي لسه مساعيهم مبانتش آثارها.. في ظل تمسك رواد البكيني بالمليطة .. وإصرار محبي البوركيني على موقفهم من ارتداء المايوه الشرعي.. هو احنا لسه معرفناش هو شرعي على انهي مذهب بالظبط .. بس انا واثق أن اكيد هنوصل لصيغة تفاهم .. وما محبة الا بعد عداوة .. لأن انا شايف إن قضية البكيني والبوركيني في حد ذاتها .. فيه قضية اهم و تهديدها على السلم الاجتماعي المائي أعنف.. وهو الاستاذ اللي هناك بيتابع المعركة وعلى وشه ابتسامة رضا وعلامات ارتياح وهدوء مريب وغامض .. ده بيعمل بي بي حالا في قلب البيسين اللي بتتخانقوا عليه يا جماعة.. وعلى صعيد آخر فالفنان الكبير حمو بيكا.. أكد بكل ثقة أنه ركم واحد على العالم في افريكيا .. هو مقالش ركم واحد في ايه ..بس احنا كجمهور ذواق لفنه .. وذواق برضه للباتون باليه ابو سمسم ده .. مصدقينه ومعترضين على وصف المذيعة له لما قالت له هو ده غرور .. لا. ده مش غرور ..ده استروكس حضرتك...
بعد خناقة الساحل.. اعرف الفرق بين البكيني والبوركيني
شهدت السوشيال ميديا جدلا كبيرا بعد تداول فيديو مشادة الساحل الشمالي عن ارتداء البكيني والبوركيني خلال النزول لحمامات السباحة والشواطئ، وبدأت تنقسم الآراء حول ملابس السباحة المناسبة وما الفارق بين البكيني والبوركيني.
وأكدت السباحة سهير فرج صاحبة أول أكاديمية تعليم سباحة للسيدات فقط بمصر في تصريح لـ"صدي البلد" أن المايوه البوركيني ليس من الملابس الممنوعة في السباحة ولا توجد أي قوانين أو قاعدة أن البوركيني ممنوع في المسبح.
وأشارت سهير إلى أن بداية ظهور البوركيني كان في فرنسا واستراليا منذ 2004 وذلك لإعطاء الحرية للمحجبة في ارتداء ملابس سباحة مناسبة لها وليس لسلب الحرية منها كما نرى الآن.
ليست هناك تعليقات:
إرسال تعليق