ارفع رأسك عاليا ولا تنحني .. فاليأس ابدا لن يعطي انتصار

ابطال الثوره: زيدوا يا ابطالنا في الهتاف 

وقولو مش رح نسلم ولا رح نخاف

ابطال الثوره: زيدوا يا ابطالنا في الهتاف

وقولو مش رح نسلم ولا رح نخاف

ده الي دقناه فدنيتنا من مر صاحب دمعتنا
 مش رح ندوقه من جديد بالرغيف او حتي حاف  
 لأه يعني لأه وهنعلي صوتنا في الهتاف 
وهنخلي الظالم يقفل بقه ويشوف ايام 
يتمني فيها انو ما شاف

يتمني إنو نايم ومتغطي بميت لحاف

بس حتي امنيته لو اتحققت

هيشوف انو ظالم وفوسط الظلم طاف 
وهيبررلنا موقفه انو مسكين زينا واختطفوه الفسده اختطاف

وانو ما كنش معاهم في الحسبه

ومره وحده لقا نفسه انضاف

انضاف فوسط الفسده

واتغناله تسلم الايادي وتسلم الرجول والاكتاف
 يا اخي اختشي علي دمك 

وحس مره بدمع امك 

ده لو عندك دم وعلي زعل امك بتخاف

يا اخي بص فعين الناس 

ده لو عندك قلب واحساس 

وهتعرف ان المأذيين منك دول اشراف

يا اخي حس مره وشوف

الرصاص الي بتضربه والملتوف

للاسف بدل ما تضربه عالخونه 

بتضربه علي ناس نضاف

يا اخي ما تقلش قضاء بيحكم

هوا الي هيجيب حقوقكم

لو إنتو مظلومين اشراف

اوعي تقلي قضاء 

دول قضاء انجاس

هتقلي ازاي ؟؟؟

هقلك القاضي العادل الي بيطالب بالقصاص
 قصاص ايه وهوا عارف مين القناص

بيطالب بالقصاص من الي طالب بالقصاص علشان في الاخر يبرأ القناص

القناص الي كان واقف فوق العماره وفى أذنو ميت زماره 

اقتل وموت الألاف

وموت ولا همه دين

دين بيمنع قتل مسلم

وده موت وحرق وخد منهم السجين

وقبلها قتل الساجدين

وفي المشفي حرق المصابين

ومفيهم يقول 
اقتلوهم دول ناس نتنه ومعفنين
 مفتيهم  يعني شيخ وصاحب دين

فين الدين؟؟؟؟ فين الدين ؟ 
دا لو انت اصلا عندك دين ونروح للقاضي قاضي العدل والمظلومين 
اذا كان شيخهم بيقول اقتلوهم 

القاضي هيعمل ايه فيهم

هيظلمهم ولا هيعفيهم 

ولا هيلفق تهم عشان ينفيهم

احنا بنقول يا رب ارحمهم دا فيهم الي مكفيهم
 يا ظالم رسولنا خير الانام قال ليهم الاسري ...اسري الحرب المصابين فيهم داووهم واعتنو بيهم لحد ما يشفو

يعني الاسري كان في حقوق ليهم

ما بالك مسلمين زيك وانت زييهم

يعني مش اسري ولا جاني ولا مجني عليهم 
دول معتقلين سياسين 

اصحاب قضيه وقضيه ليك وليهم

دول ناس ترفع الراس وليهم رب حاميهم

بس عاوزه اسال سؤال لقاضي المظلموين 
 بتحاكم مين يا ابو مخ تخين

بتحاكم ناس ترفع الراس

ولا ناس اصحاب قضيه واصحاب دين

رد عليا ولا اتخرست 

وعند الحق كلكم افواهكم مكممين

اوعك تقلي هاتي الدليل 

لان الادله خلاص تاهت

فوسط ورق وبراهين زاغت 

واوعك تقلي طب هاتي الشاهد 

لان للاسف الشاهد شهيد

وما شهدتش بعده غير كمرته الي جننت العبيد
 انا عارفه انك عارف كويس وفي الخيال نايم عن مين بتكلم بس في الظلم عايم

قلي انتي متعبيه بالسياسه الكبيره والشرعيه والحريه من قناه الجزيره

طب خلاص الجزيره راحت 

ومش فاضل غير الي في المخ ناحت

يا اخي روح اختشي دا ريحه الدم فاحت
 وعقولكو من الغباء ساحت

بس براحتكو خالص 

عيشو وارضو بالظلم القاحت

لكن عمري ما رح انسي 

امهات علي ولادها صاحت

وطفل علي أمو من البكا عينو راحت

وصرخت جريح .......بيصرخ من الالم زي الذبيح 

وشهيد دمو علي الارض يعبي صفيح

بس نايم مبتسم وبيقول سيبوني

انا شايف مكاني في الجنه بيزفوني

وكملو طريقكم واوعو تنسوني

وافتكروا ان ليا حق لازم يجيني

وقولو لامي اوعي تبكي لما تشوفيني

زغردي يا امي دا ابنك شهيد 

مات عشان يحرر عبيد

وبيقول يا امي انا في الجنان بيزفوني

▬▬▬▬▬▬▬▬▬▬▬ ●●●ஜ۩۞۩ஜ●●● ▬▬▬▬▬▬▬▬▬▬▬

💦🍃🌸🍃💦🔷

ارفع رأسك عاليا ولا تنحني

وانظر لنفسك ايها الانسانا

وتدبر جيدا وانظر وافتخر

فالذي خلقك هو خالق الاكوانا

وفضلك علي الجميع

كائنا من كانا

وصورك في احسن صوره

وهيئك لتعمر الاوطانا

واكرمك واعلي شانك الغفارا

ورفعك فوق هامات النجوم منارا

وفطرك علي حريه لو ادركتها

لأخبرت عنها لامواج البحارا

هيا انتفض ستجدها حتي وان

عبرت من اجلها الانهارا

فعليك ان تصبر وتبقي ثابتا

ولاتخشي غاشما جبارا

وحريتك ستهديك ظل حديقه

خضراء تنبت حولها الازهارا

فابدء بالبحث ولا تخشي طاغوتا

ولو نصب المنايا حولك اسوارا

وادع ربك سرا وجهرا

فهو الذي قدر الاقدارا

وتفائل بالخير ولا تياس 

فاليأس ابدا لن يعطي انتصارا

* محافظ السويس ::: اللواء :: أحمد الهياتمي ...
خلفيتى العسكرية علمتني اتباع الاسلوب العلمي ..!!!!!!!!!!!!!!!!*