بقت أم المحبوس بعد القبض على ابنها الثانى
بلغتها الساخرة قالت الاعلامية ريم ماجد .. امبارح عرفنا كدة بالصدفة واحنا على الهوا، إن الست أم أحمد، أم الشهيد أحمد زين العابدين، اتقبض عليها عند مسرح البالون ولما راحت قسم العجوزة خدت بس شلوت في بطنها حاجة بسيطة يعني..
بس الحقيقة إنها مش هتقدر تحمد ربنا لإنها جت على قد كدة، لإن اللي زاد وغطى إن ابنها اللي ماعادش حيلتها غيره من بعد أحمد، اتحول للنيابة العسكرية وخد 15 يوم حبس.. يعني الست بعد ما كانت أم الشهيد، بقت أم المحبوس على ذمة التحقيقات وخدت بالشلوت..
وفي لقاء مع البرنامج قالت ام الشهيد .. ان اشخاص قالوا لها ان فيه اسر شهداء بيكرموا في مسرح البالون .. اخذنا صور الشهداء وتوجهنا الى مسرح البالون وخدناها مشي من ماسبيرو الى مسرح البالون وهناك قلنا للأمن عايزين ندخل احنا من اهالي الشهداء فرفضوا وقبل ان نغادر لقينا الطوب والحجارة علينا من فوق المسرح .. وفيه عسكري ضرب ابني بالطبنجة على راسه وقبض عليه ..وانخرطت في بكاء طويل حزنا على ابنها الشهيد وابنها المحبوس
ليست هناك تعليقات:
إرسال تعليق