قناة إسرائيلية تبث مكالمة افتراضية بين أوباما و السيسي.. فيديو

قهوة سودا ( سادة)

قناة إسرائيلية تبث مكالمة افتراضية بين أوباما و السيسي
يحاول أوباما إقناع السيسى بتأييد الاتفاق النووي

 الذي تتم بلورته حول إيران
 وتخشى إسرائيل ودول عربية

 ..أن يمكن الاتفاق طهران من حيازة السلاح النووي..

 تناول برنامج" هاكول شابيت"، الذي يتطرق للأحداث السياسية بشكل تهكمي ساخر، و هو أحد البرامج الساخرة على القناة الأولى بالتلفزيون الإسرائيلي تناول العلاقة بين الرئيس الأمريكي باراك أوباما ونظيره المصري عبد الفتاح السيسي، عبر اتصال تليفوني مفترض بين شخصين يجسدان الرئيسين بشكل هزلي، و يبدأ بمقدم البرنامج يتحدث عن الاتفاق مع إيران، وما خلفه من غضب في إسرائيل ومصر، وممارسة أمريكا ضغوط على هذه الدول كي تعدل عن رأيها.

 أما المشهد الساخر فيبدأ بشخص يجسد دور أوباما يجلس على مكتبه في البيت الأبيض وأمامه زجاجة خمر فاخرة، وهو يسأل زوجته ميشيل عن رقم مفتاح قفل هاتف الأي فون الذي يحمله، ثم يقول لها إنه تذكره وهو 0911 في إشارة ربما لهجمات 11 سبتمبر التي ضربت أمريكا.  على الخط الآخر يظهر شخص يجسد السيسي، ويرتدي زيا عسكريا، يرد على الهاتف قائلا: "الله أكبر"، :
 نص مترجم للحوار : 
أوباما: هاي سيسي كيف حالك يا صديقي  السيسي: إنت مين؟  أوباما: خمن أنا مين؟  السيسي: لا أعرف .. يمكن تال برودي ( لاعب كرة سلة أمريكي - إسرائيلي سابق)  أوباما: نكتة جامدة يا مان.. معاك باراك أوباما رئيس الوﻻيات المتحدة الأمريكية  السيسي: أوباما يا حبيبي.. قلت لك ما تتصلش بالرقم الخاص دا.. عشان أنا في الغالب ما بردش على الرقم دا  أوباما: لية في تهديدات من الإرهابيين؟ الدنيا عاملة اية عندكم؟
-    السيسي وهو يشرب من جركن زيت ويتكرع: 
لا مؤاخذة.. مش كويسة خالص داعش في سينا مع حماس، والإخوان المسلمين في كل مكان 
أوباما: انت اية مشكلتك مع الإخوان المسلمين.. انا عندي اتنين منهم
- السيسي: لا والله بجد؟
- أوباما: أيوة من ناحية بابا.. انت عارف إن اسمي الكامل باراك أوباما حسين، لكنهم بيقروا الاسم بالمقلوب ويقولوا حسني مبارك
- السيسي منفعلا: أنت أكيد فاهم يا حسين .. ليه إحنا لازم ندمر الشيطان دا إللى بيضرب المدنيين.. ويضرب السلام ويضر بالإسلام
- أوباما وهو يرشف من الزجاجة: أنت صادق، لازم ندمر إسرائيل
- السيسي: يا عم إسرائيل إية.. أنا بتكلم عن الإرهابيين في سينا وحماس في غزة وأية الله بإيران
- أوباما: أيوة أنا بتصل بيك عشان الموضوع دا، أنا زعلان عشان انت وأصدقائك في الخليج مش بتأيدوا الاتفاقية بتاعتي مع إيران، وماشيين مع إسرائيل ..

- السيسي: يا أوباما دا اتفاق مش كويس بالنسبة لينا 

- أوباما: دا اتفاق ممتاز 

- السيسي: دا كارثة يا أوباما، المنطقة كلها هتدخل في حرب

- أوباما: إسرائيل؟

- السيسي: تاني إسرائيل، هو انتم مش صحاب كوول مع بعض ولا اية

- أوباما: دا كان زمان، أوكي ، زمان

- السيسي: بص يا أوباما يا حبيبي، انا مشغول شوية، إنت عايز حاجة تاني؟

- أوباما: أيوة أيوة بخصوص إيران.. إية رأيك لو كشفت لك أسرار النووي الإسرائيلي؟

- السيسي: مش موافق 

- أوباما: هديك قائمة بعملاء الموساد في القاهرة ..

- السيسي: لا

- أوباما: تسجيل إباحي لبوجي يعالون (موشيه يعالون وزير الدفاع الإسرائيلي)

- السيسي مشمئزا : لا

- أوباما: نسخة من برامج القبة الحديدية؟ خليك معايا يا سيسي معايا انتظار : الو روحاني..ازيك يا مان عامل اية؟ :
 خليك معايا خمس دقائق أوك؟ ... طيب دقيقتين بس .. دقيقتين أوباما يعود للحديث مع الرئيس المصري: سيسي أنا مضطر أسيبك دلوقت وأكلمك بعدين .. ميشيل بتتصل بيا دلوقت ولازم أروح أجيب البنت من الحضانة .. انت فاهم بقى ..

 - السيسي: طيب استنى بس أنا بكلمك ما تعملش الموضوع دا مع إيران

 - أوباما :يلا باي باي

 - السيسي بعد أن أغلق أوباما الخط: ألو.. ألو.. الله يلعنك يا باراك ، ما كانش لازم أرد على الخط دا يتحدث الرئيس مع سكرتيرة مكتبه على ما يبدو: أيوة يا جميلة.. اعمليلي قهوة جميلة: تركي؟

 - السيسي: بعد الشر، الله يحرقهم.. إتفووو.. اعمليلي أوباما جميلة: يعني إية أوباما؟ السيسي: قهوة سودا ( سادة) ..