مشكلتي مراتي دلوعة.. صوتها نواعم حبتين ؟

.. دلوعـــة موت ..
ست جميلـــة من غير ما تتكلــــم  
عاملة لى مشاكل ؟؟؟

الصراحة مش عارف ابدأ من فين لكن باختصار ومن غير مقدمات .. مشكلتي كلها ان مراتي دلوعة جدا وبشكل غير مقصود هية خلقة ربنا كدة .. صوتها نواعم حبتين وطريقة كلامها وحركتها .. هية ست رقيقة .. هية بتشتغل طبعا وكل يوم والتاني ترجعلي بمشكلة بسبب الموضوع دة .. في الاول كنت بتغاظ جدا دلوقتي بنهار جدا .. انا عارف انها ما تقصدش لان اخلاقها فوق الممتازة وست امينة لكن نبرة صوتها بتوحي بدة خصوصا اننا في مجتمع عجيب شوية حاولت معاها كتير انها تخشن حبة لكن طبعا ده حل عبيط لانها انثى مش مطلوب منها تتحول راجل وفي نفس الوقت انا بصراحة مش قادر اسد على المشاكل اللي هية بتتعرضلها كل شوية وانا نفسي مش قادر اتفقع اكتر من كدة .. ومحدش يقترح انها تسيب شغلها لسببين الأول اننا الاتنين معتمدين على دخلنا مع بعض السبب التاني انها بتتعرض للكلام دة برة الشغل اصلا لان كل زمايلها انا عارفهم همة واسرهم ومعظمهم اصدقائنا .. بالإضافة لأنها ست جميلة اصلا فمن غير ما تتكلم هية عاملة مشاكل...